LOOK: Mayor Oca Malapitan nag-inspeksyon sa bahagi ng Brgy. 171 na nakasailalim sa lockdown

Nag-inspeksyon si Caloocan City Mayor Oca Malapitan sa Kingstown 2, Barangay 171, na sinimulang isailalim sa lockdown araw ng Lunes, Marso 22, 2021.

Bukod sa Kingstown 2 ay nakasailalim din sa lockdown ang Queensville Subdivision sa kaparehong barangay.

Ang dalawang lugar ay kasalukuyang sumasailalim sa masusing disinfection.

Mahigpit din ang naging tagubilin ng alkalde sa mga kawani ng barangay at kapulisan hinggil sa pagpapatupad ng lockdown.

Ipinapahanda na rin ni Mayor Oca ang mga food pack na ipamamahagi sa mga residenteng apektado ng lockdown.

“Kailangan natin maghigpit subalit huwag nating kalimutan maging mapagmalasakit sa mga mamamayan,” paalala ni Mayor Oca.

Tatagal ang lockdown sa dalawang lugar hanggang 11:59pm ng Linggo, Marso 28, 2021.