7 pang Pinoy sa ibang bansa nagpositibo sa COVID-19; 2 pa ang pumanaw

Nadagdagan ng 7 pa ang bilang ng mga Pinoy sa ibang bansa na tinamaan ng COVID-19.

Sa datos mula sa Department of Foreign Affairs (DFA) araw ng Biyernes, March 19, nakapagtala din ng 17 pang Pinoy na gumaling sa naturang sakit.

Sa kabuuan ayon sa DFA, 15,948 na ang bilang ng mga Pinoy abroad na tinamaan ng COVID-19.

Sa naturang bilang, 9,666 na ang gumaling habang 5,237 pa ang sumasailalim sa gamutan.

Nakapagtala naman ng isa pang nasawi kaya umabot na sa 1,045 ang bilang ng mga nasawing Pinoy sa ibang bansa dahil sa COVID-19.

Pinakamarami pa ring bilang ng mga Pinoy na nagpositibo sa COVID-19 ay sa Middle East / Africa na umabot sa 8,882.

Sumunod ang Asia Pacific Region na mayroong 2,987 cases.