Pitong pasahero ng isang bangka na tumaob sa karagatan ng Eastern Samar nailigtas ng Coast Guard

Nailigtas ng mga tauhan ng Philippine Coast Guard (PCG) ang pitong mangingisda matapos tumaob ang sinasakyan nilang bangkang pangisda.

Nangyari ang insidente sa karagatang sakop ng Sungit Point, Candulo Island sa Eastern Samar.

Nagpadala ng rubber boats ang mga tauhan ng PCG sa lugar nang malamang may mga kailangang i-rescue.

Ayon sa Coast Guard pawang nasa maayos namang kondisyon ang mga pasahero ng bangka.

Sa isinagawang imbestigasyon, natuklasan din ng PCG na expired na ang mga dokumento ng sinasakyan nilang bangka.

Nasa kostodiya ng Coast Guard Sub-Station Guiuan ang fishing banca habang hinihintay na maiprisinta ang balido at legal na dokumento nito.