Mahigit 240,000 na healthcare workers sa bansa nabakunahan na kontra COVID-19
Umabot na sa mahigit 240,000 ang bilang ng mga nabakunahan kontra COVID-19 na pawang healthcare workers.
Batay ito sa datos ng Department of Health (DOH) at Food and Drug Administration (FDA), hanggang alas 6:00 ng gabi ng Miyerkules, March 17.
Ayon kay FDA Director General Eric Domingo, mayroon nang 167,798 na nabakunahan ng CoronaVac at 72,499 naman ang nabakunahan ng AstraZeneca.
Sa kabuuan 240,297 na ang nabakunahan laban sa COVID-19 na mga healthcare worker sa bansa.
Malaking bilang ng mga nabakunahan ay sa mga ospital sa Metro Manila.
Habang nagpapatuloy pa ang vaccination sa iba’t iba pang mga lugar sa bansa.
