200 doses ng AstraZeneca vaccine inihatid ng coast guard sa Basilan

Nakarating na sa Basilan ang BRP Malamawi (FPB-2403) ng Philippine Coast Guard (PCG) dala ang mga bakuna laban sa COVID-19 na para sa lalawigan ng Basilan.

Ang nasabing barko ay galing ng Zamboanga City Port.

Inihatid nito ang 200 doses ng AstraZeneca vaccine na nasa loob ng dalawang freezer boxes, at 37 kahon ng non-prohibited drugs at protective paraphernalia para sa mga medical worker ng Basilan General Hospital at Isabela General Hospital.

Bunsod nito inaasahang mauumpisahan na ang rollout ng AstraZeneca vaccine sa dalawang nabanggit na pagamutan.