Efren ‘Bata’ Reyes inaresto umano dahil sa paglalaro ng billiards
Kumalat sa social media ang mga larawan at video ng umano ay pag-aresto kay Efren ‘Bata’ Reyes dahil sa paglabag sa health protocols.
Dinakip umano si Reyes matapos mahuling naglalaro ng billiards kasama ang iba pa sa San Pedro, Laguna.
Ang nasabing laro ay kabilang sa mga ipinagbabawal pa dahil sa umiiral na health and safety protocols laban sa COVID-19.
Pero maliban sa bawal ang paglalaro ng billiards ay senior citizen na rin si Reyes kaya hindi siya kasama sa mga pwede nang lumabas sa bahay.
Sa guidelines ng Inter-Agency Task Force for the Management of Emerging Infectious Diseases (IATF) ang mga non-contact sports lang ang pinapayagan gaya ng badminton at tennis.
