Pagbuo ng ‘Police Courts’ sa bawat probinsya ipinanukala ni Sen. Richard Gordon

Nais ni Senator Richard Gordon na magkaroon ng Police Courts sa bawat lalawigan sa bansa.

Ito ay para mas madali aniyang mahabol at mapanagot ang mga pulis na nakagagawa ng katiwalian at nasasangkot sa krimen.

Ayon kay Gordon, ang mga pulis ang tagapagbantay sa mamamayan at tagapagtiyak ng seguridad.

Subalit paano aniya maibabalik ang tiwala sa kapulisan kung sila mismo ang nagpoprotekta ng mga kabaro nila.

Ayon kay Gordon, dapat maparusahan ang mga pulis sa kanilang mga kamalian.

Ito ay upang mabigyan ng hustisya ang kanilang mga biktima at pamilyang iniwan.