Red rainfall warning itinaas ng PAGASA sa Samar at Eastern Samar
Inuulan ang mga lalawigan sa Eastern Visayas dahil sa epekto ng Low Pressure Area.
Sa inilabas na Heavy Rainfall Warning No. 3 ng PAGASA alas 2:05 ng hapon ng Huwebes, March 11, itinaas ang red rainfall warning sa Eastern Samar at Samar.
Orange warning naman ang itinaas sa Southern Leyte, Leyte at Biliran.
Pinayuhan ng PAGASA ang publiko at ang lokal na pamahalaan na mag-antabay sa mga inilalabas na abiso ng weather bureau.
