Public interview sa mga kandidato sa pagka-Chief Justice itinakda na ng JBC

Itinakda na ng Judicial and Bar Council (JBC) ang public interview para sa mga kandidato sa posisyong babakantihin ni Supreme Court Chief Justice Diosdado M. Peralta.

Ayon sa JBC, ang panayam ay gagawin via Zoom sa March 12, 2021.

Unang sasalang sa interview si Justice Estela M. Perlas-Bernabe alas 9:00 hanggang alas 11:00 ng umaga.

Sunod si Justice Alexander G. Gesmundo ala 1:00 hanggang alas 3:00 ng hapon.

At ikatlo si Justice Ramon Paul L. Hernando alas 3:00 hanggang alas 5:00 ng hapon.

Si Peralta ay nakatakdang magretiro ngayong buwan.

Isang taon na mas maaga sa kaniyang mandatory retirement na dapat ay sa March 2022.