Vaccine Czar Sec. Carlito Galvez Jr. nagpabakuna na kontra COVID-19
Nabakunahan na kontra COVID-19 si Vaccine czar Secretary Carlito Galvez Jr.
Tumanggap ng bakuna si Galvez sa isinagawang symbolic vaccination sa Philippine General Hospital.
Hinayaan muna ni Galvez na matapos mabakunahan ang mga naka-schedule na health workers bago siya nagpabakuna.
Sa ilalim kasi ng vaccination priority list ng pamahalaan, ang mga frontline workers sa mga healthcare facilities ang dapat unang mabakunahan.
Samantala, sinabi ni Galvez na maaantala ang pagdating ng unang batch ng AstraZeneca vaccines sa bansa mula sa COVAX facility.
Umaasa si Galvez na darating ang nasabing mga bakuna ngayong unang quarter ng taon.
