Pangulong Duterte iniutos na tanging NBI lang ang mag-imbestiga sa PNP-PDEA misencounter
Tanging ang National Bureau of Investigation (NBI) na lamang ang mag-iimbestiga sa nangyaring engkwentro sa pagitan ng mga tauhan ng PDEA at PNP sa Commonwealth, Quezon City.
Kinumpirma ito sa isang pahayag ni Presidential Spokesperson Harry Roque.
Ayon kay Roque, batay sa utos ng pangulo, tanging NBI lamang ang mag-iimbestiga sa nangyaring engkwentro.
Ang mga binuong joint panel ng PDEA at PNP ay pinabubuwag na at hindi na magsasagawa pa ng imbestigasyon.
Magugunitang apat ang nasawi sa nasabing misencounter.
Dalawa sa nasawi ay pulis ng Quezon City Police District, ang isa ay PDEA agent at ang isa ay PDEA informant.
