Isa na namang pulis-Maynila dinukot
Isa na namang pulis-Maynila ang biktima ng abduction.
Ang biktima ay si Patrolman Real Lopez Tesoro, 41 anyos at kasalukuyang suspendido sa serbisyo.
Ang huling assignment ni Tesoro ay sa Manila Police District (MPD) Station 7 – Tayuman PCP.
Batay sa reklamo ng kaniyang live-in partner na si Mary Ann Gervacio, nangyari ang insidente alas 10:05 ng umaga ngayong Miyerkules (Feb. 24) sa V. Mapa Ext., Brgy. 601, Sta. Mesa, Maynila.
Limang suspek na sakay ng hindi naplakahang dalawang SUV na kulay itim ang tumangay sa biktima.
Patuloy pa ang imbestigasyon sa insidente.
