Magnitude 3.8 na lindol naitala sa Davao Del Sur
Niyanig ng magnitude 3.8 na lindol ang lalawigan ng Davao Del Sur.
Ang pagyanig ay naitala sa layong 9 kilometers southwest ng bayan ng Magsaysay alas 10:09 ng umaga ngayong Miyerkules (Feb. 24).
May lalim na 24 kilometers ang lindol at tectonic ang origin ayon sa Phivolcs.
Naitala ang sumusunod na intensities:
Intensity III – Bansalan, Davao Del Sur; Davao City
Intensity II – Kidapawan City; Columbio, Sultan Kudarat
Ayon sa Phivolcs, aftershock ito ng magnitude 6.1 na lindol na tumama sa Magsaysay, Davao del Sur noong February 7.
