Heavy rainfall warning itinaas ng PAGASA sa maraming lalawigan sa Mindanao
Itinaas ng PAGASA ang heavy rainfall warning sa maraming lalawigan sa Mindanao.
Sa inilabas na rainfall warning ng PAGASA alas 9:00 ng umaga ngayong Linggo, February 21, Orange warning level na ang nakataas sa Dinagat Islands, Surigao del Norte, Surigao del Sur, Agusan del Norte, Agusan del Sur, Davao Oriental, at Davao de Oro.
Yellow warning level naman ang nakataas sa Cagayan de Oro City, Misamis Oriental, Camiguin, at Bukidnon.
Ayon sa PAGASA nakararanas din ng mahina hanggang katamtaman at kung minsan ay malakas na pag-ulan sa Davao City, Davao del Norte, Lanao del Norte, Lanao del Sur, Misamis Occidental, Zamboanga del Norte, Zamboanga del Sur, at North Cotabato.
