Munisipalidad ng Taal sa Batangas nagkasa na ng paghahanda kasunod ng pagtaas ng naitatalang pagyanig sa Taal Volcano

Nagtakda na ng pick up points sa bayan ng Taal sa Batangas na maaring puntahan ng mga residente sa sandaling muling pumutok ang Bulkang Taal.

Kasunod ito ng pagtaas ng naitatalang pagyanig sa bulkan simula noong Sabado.

Paalala ni Taal Mayor Pong Mercado,hindi nito layuning magdulot ng panic sa kanilang mga residente at sa halip ay para lamang bigyan sila ng paalala at matiyak ang kanilang kahandaan.

Para sa agarang paglikas kung saka-sakaling pumutok ang bulkan, hiniling ng alkalde na sundin ang mga itinakdang tagpuan kung saan maaring sunduin ang mga residente ng mga naka-assign na sasakyan.

Ang Bayan ng Bauan ang napagkasunduan lugar para paglikasan.