68 aplikanteng OFWs na-rescue sa isang pasilidad sa Parañaque

Isinilbi ng Department of Migrant Workers ang closure order laban sa isang accommodation facility sa Barangay San Antonio, Parañaque City na pag-aari umano at minementina ng dalawang licensed recruitment agencies.

Ayon sa DMW, umabot sa animnapu’t walong aplikanteng OFWs ang na-rescue mula sa pasilidad na piatatakbo ng mga kumpanyang ATC Human Resources at Rock Solid Manpower & Consultancy.

Sa ikinasang operasyon, nakitaan ng patong-patong na paglabag ang dalawang kumpanya kabilang ang hindi pag-rehistro sa accommodation facility, hindi ligtas na living condition ng mga aplikanteng Pinoy, overcrowding, kawalan ng maayos na sleeping area, at iba pa.

Natuklasan ding iniipit ng dalawang kumpanya ang pasaporte ng mga aplikante.

Ang mga na-rescue na OFW ay sumasailalim na ngayon sa pangangalaga ng OWWA. (DDC)