P40M na halaga ng ilegal na paputok galing China nakumpiska ng BOC
Naharang ng mga tauhan sa Bureau of Customs – Manila International Container Port ang dalawang kargamentong mula China na naglalaman ng misdeclared na mga paputok.
Ayon kay Commissioner Ariel Nepomuceno, ang dalawang shipments mula China ay naglalaman ng mga paputok na nagkakahalaga ng P40 million.
Ang unang shipment ay idineklarang naglalaman ng “shelves” na inabandona ng consignee nito, habang ang ikalawa ay idineklarang naglalaman ng “ceramic cups.”
Kapwa isinailalim sa Physical Examination ang dalawang kargamento at doon natuklasang fireworks at firecrackers ang laman nito.
Ang pag-aangkat ng finished firecrackers at pyrotechnic devices ay ipinagbabawal sa ilalim ng Republic Act Number 7183. (DDC)
