Chinese arestado sa buy bust sa Pasay; barberya binangga nang magtangkang tumakas
Naaresto ng mga tauhan ng Station Drug Enforcement Unit (SDEU) ng Pasay City Police Station ang isang Chinese national sa ikinasang buy bust operation sa Barangay 76.
Ginawa ang operasyon sa Shore Residence sa harap ng Tower C/D sa Sunrise Drive kung saan naaresto ang suspek na si Li Zu Hui, 31 anyos at isang Chinese national.
Tinangka pa ng suspek na tumakas gamit ang kaniyang sasakyan pero nabangga ito sa isang barberya.
Nakumpiska sa kaniya ang mga sachet ng hinihinalang shabu, isang P500 peso bill, pitong piraso ng P1,000 boodle money, isang cellphone, bag 12 iba’t ibang mga ID at ATM, at mga shabu paraphernalia.
Nakuha din sa kaniya ang ginamit niyang Nissan Terra SUV.
Nakakulong na sa SDEU detention facility ang suspek.
Umabot sa 5 gramo ng ilegal na droga ang nakumpisyak sa kaniya na mayroong DDB value na P34,000.
