1 patay, mahigit 60 ang dinala sa ospital dahil sa ammonia leak sa Navotas
Isang 44 anyos na lalaki ang nasawi habang maraming iba pa ang dinala sa ospital dahil sa ammonia leak sa Navotas City.
Ayon kay Navotas City Mayor Toby Tiangco, ang leak ay galing sa TP Marcelo Ice Plant and Cold Storage.
Umabot aniya sa 61 ang mga pasyenteng dinala sa ospital at mayroong iba pa na residente na dumiretso na sa ospital.
Ayon naman sa datos ng Bureau of Fire Protection, 22 ang isinugod sa Tondo Medical Center at 43 sa Navotas Hospital.
Sinabi ni Tiangco na naisarado na ang valve na nagleak at hinihintay na lamang na humupa ng tuluyan ang amoy ng ammonia.
Nagpahanda naman ng food packs ang lokal na pamahalaan para sa mga apektadong residente.
