Higit 700K na halaga ng shabu at baril nakumpiska sa drug personality sa Las Piñas City

Nadakip ng mga operatiba ng Las Piñas City Police Station ang isang bagong natukoy na high-value drug personality at nakumpiska ang tinatayang 106.59 gramo ng hinihinalang shabu na nagkakahalaga ng P724,812.00 at hindi lisensiyadong baril, sa ikinasang buy-bust operation sa Emerald Street, Barangay Talon Singko kaninang alas-12:47 ng madaling araw.

Ang suspek ay kinilalang si alyas Bossing, 28-anyos, isang High-Value Individual (HVI), nahaharap sa mga kasong paglabag sa Comprehensive Dangerous Drugs Act of 2002 at Comprehensive Firearms and Ammunition Regulation Act.

Ang operasyon ay isinagawa ng tactical teams ng Station Drug Enforcement Unit (SDEU) ng Las Piñas CPS sa ilalim ng superbisyon ni Col. Ricky P. Neron, Chief of Police, na nagresulta ng pagkaaresto ng suspek at pagkakumpiska ng umano’y ilegal na droga, sling bag na naglalaman ng unlicensed Caliber .380 ACP Bersa Pistol, magazine, tatlong bala ng baril, at buy-bust money.

Sasailalim sa inquest proceedings sa Las Piñas City Prosecutor’s Office.

“Our localized operations continue to yield significant results by neutralizing high-value targets who carry both illegal drugs and loose firearms on our streets. Intercepting bulk amounts of shabu alongside an unlicensed handgun prevents further criminal activities and protects our neighborhoods from drug-related violence. We remain persistent in our relentless drive against illegal drugs and firm in keeping Las Piñas secure,” pahayag ni BGen Glenn Oliver C. Cinco, District Director ng Southern Police District. (Bhelle Gamboa)