P115M na halaga ng yosi nakumpiska sa Cebu

Dalawang container van na naglalaman ng kahon-kahong yosi ang nakumpiska ng Bureau of Customs sa Cebu.

Ayon sa BOC, sa isinagawang inspeksyon sa dalawang van, nakumpiska ang 1,445 master cases ng sigarilyo na tinatayang aabot sa mahigit 115 million pesos ang halaga.

Naglabas ng Warrant of Seizure and Detention sa mga kontrabando dahil sa paglabag sa Customs Modernization and Tariff Act.

Samantala, sa Subport ng Mactan mayroon ding nakumpiskang dalawangdaang piraso ng vape pod cartridges mula sa isang South Korean traveler.

Tinatayang aabot sa 66,000 pesos ang halaga ng dalang cartridges ng dayuhan na pawang walang permit.