Import ban ng China sa pork products ng Pinas walang epekto ayon sa DA

Walang epekto sa trade performance ng bansa ang pasya ng China na magpatupad ng import ban sa pork products na galling Pilipinas.

Sa ngayon kasi ayon sa DA – Bureau of Animal Industry, hindi kasama ang China sa market ng live pigs, wild boar at iba pang related swine products na galing Pinas.

Gayunman, tiniyak ng BAI na kaisa ng China ang Pilipinas sa pagsusulong ng biosecurity at pagsugpo sa swine diseases.

Kasabay nito ay siniguro ng BAI sa publiko na walang dapat na ikabahala sa anumang swine disease sa bansa.

Ang hog cholera na endemic sa mga alagang baboy sa Pilipinas ay kontrolado dahil sa isinasagawang pagbabakuna, surveillance at biosecurity protocols.

Ang African Swine Fever naman na unang a-detect sa bansa noong 2019 ay kontrolado din sa pamamagitan ng istriktong movement controls, biosecurity measures, agad na pagkatay sa infected na hayop, at mas pinaigting na surveillance. (DDC)