Child Safety in Motor Vehicles Act pinasusupinde ng mga senador
Nais ng mga senador na suspendihin ang pagpapatupad ng Republic Act 11229 o ang Child Safety in Motor Vehicles Act.
Sa inihaing resolusyon hinikayat ng mga senador ang Department of Transportation (DOTr) at Land Transportation Office (LTO) na ipagpaliban ang pagpapatupad ng batas.
Ang resolusyon ay inihain nina Senators Sonny Angara, Migz Zubiri, Joel Villanueva Wind Gatchalian, Nancy Binay at Grace Poe.
Ayon kay Poe, bagaman maganda ang intensyon ng batas ay hindi ito napapanahon.
Dapat aniyang suspendihin muna ang implementasyon nito hangga’t walang maayos na guidelines sa pagpapatupad ng batas.
