PAL bibiyahe na muli sa Riyadh mula Apr. 10

Simula sa April 10, 2026 ay balik na ang flights ng Philippine Airlines patungo at mula sa Riyadh.

Kasunod ito ng idineklarang ceasefire sa Middle East.

Ayon sa PAL, ipatutupad muna ang alternate flight route sa Riyadh para matiyak na napapanatili ang highest safety standards para sa kaligtasan ng mga pasahero at crew.

Sa pagbabalik ng Manila-Riyadh flights, magkakaroon ito ng maiksing technical stop sa Bangkok para sa refueling.

Ayon sa PAL, hindi na magsasagawa ng deplaning o pagpapababa ng mga pasahero para sa stopover dahil agad ding itutuloy ang biyahe kapag natapos ang refueling. (Dona Dominguez-Cargullo)