Matinding init ng panahon mararanasan pa rin sa Iloilo at Mindoro
Mainit na panahon pa rin ang mararanasan sa maraming lugar sa bansa ngayong araw ng Martes, April 7.
Ayon sa PAGASA, inaasahan ang Danger Level na 42 Degrees Celsius na Heat Index sa Jose Occidental, Mindoro at Dumangas, Iloilo.
Kapag umabot sa Danger Level ang Heat Index, sinabi ng PAGASA na maaaring makaranas ng heat cramps at heat exhaustion.
Maraming lugar din sa bansa ang makararanas ng 40 hanggang 41 Degrees Celsius na Heat Index.
Kahapon araw ng Lunes, ang Alabat, Quezon ang nakapagtala ng pinakamataas na Heat Index na umabot sa 43 Degrees Celsius. (Dona Dominguez-Cargullo)
