Ban sa Social Media Platform na Tumblr aksidente lang – CICC

Aminado ang Cybercrime Investigation and Coordinating Center na system error ang dahilan kaya hindi sinasadyang nai-takedown ang social media platform na “Tumblr” at labingpitong iba pang lehitimong websites.

Ayon sa CICC, nangyari ang insidente sa kasagsagan ng nationwide crackdown sa illegal online gambling operations.

Sa inisyal na imbestigasyon, habang nasa proceso ng pag-takedown sa mga ilegal na gaming domains, nagkaroon ng system glitch at mayroonglabingwalong lehitimong platforms na nadamay.

Nagkasa ng imbestigasyon ang CICC matapos ang report ng ilang netizen na nagsabing bigla silang nawalan ng access sa kanilang “Tumblr” account.

Sa ngayon sinabi ng CICC na patuloy ang hakbang para ma-restore ang Tumblr at iba pang mga naaapektuhang websites. (DDC)