Bagong explosive detection systems inilagay sa NAIA

Nagkabit ng dalawang bagong Explosive Detection System ang Office for Transportation Security sa NAIA Terminal 3.

Ang mga EDS X-Ray Machine ay inaasahang makatutulong para mas mapaigting ang pag-detect ng OTS sa improvised explosive device na tatangkaing ipasok sa paliparan.

Bahagi ito ng utos ni Pangulong Ferdinand Bongbong Marcos Jr. na gawing mas moderno ang mga gamit sa paliparan para sa seguridad ng mga pasahero.

Kaya ng EDS X-ray machines na otomatikong ma-detect at ma-analyze ang potensyal na pampasabog sa cabin baggage ng mga pasahero. (DDC)