DSWD hindi maghihigpit sa dress code dahil sa mainit na panahon

Inaprubahan ni DSWD Secretary Rex Gatchalian ang pagsuspinde sa pagsusuot ng uniporme ng mga empleyado ng ahensya.

Simula ngayong araw, March 10, ipatutupad ang Relaxed Dress Code Policy sa DSWD at tatagal hanggang August 31, 2026.

Ito ay dahil nagsimula nang maranasan ang mainit na panahon na ayon sa PAGASA, ninety percent ng bansa ang maaaring makaranas na ng “Extreme Caution” temperatures.

Sa kabila ng mas relax na dress code policy nagpaalala ang DSWD sa mga empleyado nito na bawal pa rin ang pagsusuot ng sando, spaghetti straps, tubes, sleeveless, micro-mini skirts, leggings, ripped jeans, at shorts.

Hinikayat din ni Gatchalian ang lahat ng kawani lalo na ang mga nasa fieldwork na mag-ingat para maiwasan ang mga panganib sa kalusugan na dulot ng mataas na temperatura. (DDC)