P150K para sa mga uuwing OFWs peke ayon sa OWWA

Itinanggi ng Overseas Workers Welfare Administration ang mga kumakalat na impormasyon online na nagsasabing may ibinibigay na one-hundred fifty thousand pesos na financial assistance sa mga uuwing OFW.

Ang ilang mga post ay ginamitan pa ng AI videos upang palabasin na lehitimo ang anunsyo.

Sinabi ng OWWA na walang one-hundred fifty thousand pesos na ayuda na ipinapamahagi ang ahensya.

Bilang miyembro ng OWWA, ang mga OFW at kanilang pamilya ay entitled sa sumusunod na benepisyo:
• Financial assistance para sa mga distressed OFW
• Livelihood at reintegration programs para sa mga OFW na nais magsimula muli sa Pilipinas
• at Training assistance, scholarships, at upskilling opportunities upang mapalawak ang kaalaman at pagkakataon sa trabaho

Paalala ng OWWA maging mapanuri at huwag agad maniwala sa mga post o video na hindi naman malinaw ang source. (DDC)