Higit 3.5M na halaga ng shabu nakumpiska sa Parañaque Buy-Bust, “drug lord” arestado

Mahigit ₱3.5 milyong halaga ng umano’y shabu ang napigilang lumaganap sa mga lansangan matapos maaresto ng mga operatiba ng Parañaque City Police Station (CPS) sa ilalim ng Southern Police District (SPD) ang isang pinagsususpetsahang kingpin o drug lord sa ikinasang buy-bust operation sa Simplicio Cruz Compound Main Road in Barangay San Isidro ngayong araw ng Sabado.

Arestado ang suspek na si alyas “Genesis,” 32-anyos.

Ayon sa report binentahan umano ng suspek ng droga ang isang police poseur buyer ng Station Drug Enforcement Unit na pinamumunuan ni Col Nicolas Piñon, hepe ng Parañaque CPS, kaya agad na dinakip ng operatiba si alyas Genesis.

Nakumpiska sa suspek ang tinatayang 520 na gramo ng hinihinalang shabu, sling bag, cellular phone, at buy-bust money.

Inihahanda ng otoridad ang pagsasampa ng kasong paglabag sa Comprehensive Dangerous Drugs Act of 2002 sa Parañaque City Prosecutor’s Office.

“This successful operation reflects the professionalism and dedication of our units, fully embodying our guiding principle of our Regional Director, NCRPO, PMGEN ANTHONY A ABERIN, to adhere to the (Police Operational Procedure). It also aligns with the Chief PNP, PGEN JOSE MELENCIO C NARTATEZ JR’s focus agenda on enhanced police operations management, ensuring that we remain vigilant, proactive, and relentless against those who threaten public safety. Our officers’ swift action proves that justice will always prevail,” pahayag ni SPD District Director BGen Randy Y. Arceo.

Patuloy ang paninindigan ng SPD na tiyakin sa publiko ang pangako nitong payapa at seguridad na hindi matitinag.Ito ay malinaw na babala sa sinumang nagtatangkang pigilan ang kaligtasan ng mga komunidad sa Parañaque at sa mga nasasakupang lugar sa katimugang Metro Manila. (Bhelle Gamboa)