Higit 100 stranded na OFWs tinutulungan ng DMW

Tiniyak ng Department of Migrant Workers na binibigyan ng tulong ang mga stranded na Overseas Filipino Workers sa paliparan dahil sa mga nakanselang biyahe bunsod ng kaguluhan sa Middle East.

Ayon kay DMW Secretary Hans Leo Cacdac, 106 OFWs mula sa kanseladong Middle East flights ang binigyan ng accommodation at transport assistance ng DMW-OWWA.

Sa huling datos mula sa Civil Aviation Authority of the Philippines mahigit dalawampung flights na ang nakansela dahil sa tensyon sa Gitnang Silangan.

Kabilang sa nagkansela ng kanilang international flights ang mga sumusunod na airline companies:

• Cebu Pacific
• Philippine Airlines
• Qatar Airways
• Gulf Air
• Etihad Airways
• at Emirates

Tiniyak ng DMW na patuloy na imomonitor ang sitwasyon ng mga OFW na apektado ng mga kanseladong biyahe. (DDC)