Online Scammer arestado ng NBI

Inaresto ng mga tauhan ng National Bureau of Investigation ang isang online scammer na nagpanggap na lehitimong kinatawan siya ng kumpanyang Apple.

Ayon sa NBI – Cybercrime Division, modus ng suspek na makipagtransaksyon online sa mga distributor at resellers ng mga produkto ng Apple pero pagkatapos magkabayaran, bigo itong mai-deliver ang mga biniling items.

Sinabi ng NBI na umabot sa 25 million pesos na halaga ang nakulimbat ng suspek mula sa mga distributors at resellers na kaniyang naloko.

Sa tulong ng mga otoridad, nakapag-close ng deal sa suspek ang isa sa mga biktima para sa malaking halaga ng mga Apple products at doon na na nagkasa ng entrapment operation ang mga operatiba.

Mahaharap ang suspek sa patong-patong na mga kaso kabilang ang Estafa. (Dona Dominguez-Cargullo)