4 na mangingisda pinaghahanap sa Occidental Mindoro

Patuloy ang search and rescue operations ng Philippine Coast Guard sa apat na mangingisda na iniulat na nawala habang naglalayag sa katubigan ng Ambil at Lubang Islands sa Occidental Mindoro.

Ayon sa Coast Guard, umalis ng Lian, Batangas ang apat na mangingisda lulan ng motorbanca “MJ2” hapon ng Linggo, February 8 pero bigo silang makabalik.

Nag-deploy na ang Coast Guard Aviation Command ng fixed-wing aircraft para magsagawa ng aerial sweeps.

Nagtutulung-tulong na din sa paghahanap ang mga tauhan ng Coast Guard Sub Station Lian, Lubang at Nasugbu.

Habang ang mga tauhan ng Marine Environmental Protection Enforcement Response Team at Coast Guard Mobile Posts ay nagsasagawa ng coastal security patrols. (Dona Dominguez-Cargullo)