Ilang araw bago ang Valentine’s paalala ng DOH sa publiko, unahin ang self-love

Ngayong nalalapit na ang paggunita sa Araw ng mga Puso nagpaalala ang Department of Health sa publiko na unahin muna ang self-love bago magbigay ng pagmamahal sa iba.

Madalas kasi ayon sa ahensya ibinubuhos ang pagmamahal sa iba o kaya naman ay masyadong minamahal ang trabaho at minsan ay nakakalimutan na ang sarili.

Paalala ng DOH, ang tunay na self-love ay ang pagbibigay proteksyon sa sariling kapayapaan o pagkakaroon ng inner peace.

Dahil dito pinayuhan ng DOH ang mga magpapahinga sa trabaho sa Valentine’s Day na magbigay ng quality time sa sarili.

Mag-unplug muna at i-off ang emails at notifications para ma-enjoy ang moment, mag-isa man o kasama ang mga mahal sa buhay. (Dona Dominguez-Cargullo)