4 patay sa aksidente sa Samar
Nasawi ang apat na katao matapos ang aksidenteng kinasangkutan ng van at truck sa Basey, Samar.
Ang nasawi ay ang tatlong pasahero at ang driver ng Duptours van nang sumalpok ito sa likuran ng truck sa bahagi ng Barangay Balud.
Sa imbestigasyon ng pulisya, ang galing sa Borongan City, Eastern Samar ang van at patungo sana ng Tacloban City.
Pagsapit sa nabanggit na lugar, sumalpok ang van sa likuran ng truck.
Nasugatan ang iba pang pasahero ng van na agad na dinala sa Basey District Hospital.
