DPWH magsasagawa ng dredging sa Iligan River
Iniutos ni DPWH Secretary Vince Dizon ang pagsasagawa ng dredging sa Iligan River para maiwasan ang mabilis na pag-apaw ng tubig.
Personal na nagtungo sa Iligan, Lanao del Norte ang kalihim para tingnan ang kalagayan ng mga public infrastructure matapos ang pananalasa ng bagyong Basyang.
Sinabi ni Dizon na silted na masyado ang tubig sa Tubod Bridge kaya agad talagang aapaw kapag nakaranas ng malakas na pag-ulan.
Inatasan din ng kalihim ang kanilang mga tauhan sa probinsya na ipagpatuloy ang clearing operations sa mga kalsada at tulay sa lungsod.
Ayon kay Iligan City Mayor Frederick Siao may ilan pa kasing mga lansangan sa lungsod ang hindi pa natatapos linisin. (Dona Dominguez-Cargullo)
