2 pang aspirante naghain ng COC para tumakbong kongresista sa Antipolo

Sa ikalawang araw ng paghahain ng Certificate of Candidacy para sa idaraos na special elections sa Antipolo City mayroong dalawang aspirante ang naghain ng kandidatura.

Ayon sa Commission on Elections, naghain ng COC si LJ Sumulong ang number 1 councilor ng Second District ng Antipolo City.

Si Sumulong ay bahagi ng partidong National People’s Coalition at kapartido ng mga Ynares.

Samantala, naghain din ng COC si Reden Llaga na tumakbong mayor sa Antipolo noong nadaang eleksyon pero natalo.

Simula February 5 na unang araw ng filing ng COC sa 2nd District ng Antipolo mayroon nang tatlong aspirante na naghain ng kandidatura.

Ngayong araw ng Sabado, February 7 ang huling araw ng paghahain ng COC.

Sa March 14 idaraos ang special elections sa 2nd District ng Antipolo para makapaghalal ng ipapalit sa yumaong si Cong. Romeo Acop. (Dona Dominguez-Cargullo)