SP Sotto nagpapatulong na sa kaibigang mahistrado para handa sa impeachment vs VP Sara

Pinaghahandaan na ni Senate President Tito Sotto III ang posibleng pag-akto bilang presiding officer sakaling mag-convene ang Senado bilang impeachment court kaugnay ng impeachment complaint laban kay Vice President Sara Duterte.

Ayon kay Sotto, humihingi na siya ng legal guidance at sumasailalim na siya sa briefing ng dalawang mahistrado na mula sa Court of Tax Appeals at Court of Appeals.

Sinabi ng senador na mahalaga sa impeachment proceedings na malawak ang kanilang pananaw sa rules of evidence.

Tiniyak naman ni Sotto na handa ang senado kung maita-transmit na sa kanila ng Kamara ang impeachment complaint laban sa bise presidente.

Ang dalawang impeachment complaint laban kay VP Sara ay nai-transmit na sa tanggapan ni House Speaker Bojie Dy. (Dona Dominguez-Cargullo)