Operasyon ng landfill sa Cebu City pinahinto ng DENR

Naglabas ng cease and desist order ang Department of Environment and Natural Resources – Central Visayas laban sa Prime Integrated Water Solutions – ang operator ng gumuhong landfill sa Cebu City.

Batay sa kautusan ng DENR EMB Region 7, hindi na pwedeng magpatuloy sa operasyon ang landfill.

Maaari namang ituloy ang lahat ng aktibidad na ay kaugnayan sa rescue, retrieval, at cleanup operations.

Inatasan din ang pamunuan ng kumpanya na humarap sa ipatatawag na technical conference at magsumite ng compliance plan sa loob ng siyamnapung araw.

Magkakasa ng imbestigasyon ng DENR Central Visayas para matukoy ang dahilan ng trahedya at upang matiyak na may mananagot sa nangyari. (DDC)