South Korean na subject ng Red Interpol Notice timbog sa NAIA

Naaresto ng mga tauhan ng Bureau of Immigration sa Ninoy Aquino International Airport ang isang South Korean national na wanted sa Interpol.

Ayon sa BI, si Yun Daeyoung, singkwenta anyos ay subject ng Red Notice ng Interpol dahil sa pagkakasangkot sa money laundering sa kaniyang bansa.

July 2025 nang maglabas ng warrant of arrest laban sa dayuhan ang korte sa Korea.

Aalis sana ang dayuhan patungong Hanoi, Vietnam pero lumitaw sa BI system ang Interpol hit nito dahilan para harangin siya ng mga otoridad.

Ayon sa BI, sasailalim sa deportation proceedings ang dayuhan para maharap nito ang kaniyang mga kaso. (DDC)