Higit P1.13M halaga ng ilegal na droga nakumpiska ng SPD sa Weeklong Anti-Drug Operations

Maigting ang kampanya kontra ilegal na droga ng Southern Police District (SPD) na nagresulta ng pagkakumpiska ng ₱1,132,152.00 na halaga ng illegal substances sa kasagsagan ng serye ng kanilang anti-illegal drug operations magmula January 5 hanggang 11 ngayong taon.

Ayon sa report nasa kabuuang 52 police operations ang isinagawa ng mga operatiba na ikinaaresto ng 70 drug personalities at pagkakumpiska ng 165.39 na gramo ng shabu at tatlong vape devices na naglalaman ng marijuana oil/cannabis oil kung saan patunay ito sa matibay na operational tempo ng SPD units na layuning sugpuin ang mga aktibidad ng ileal na droga sa katimugang Metro Manila.

Ang Taguig City Police Station ang nakapagtala ng pinakamalaking halaga na nakumpiska na umabot sa ₱666,556.00na sinundan ng Pasay CPS- ₱117,844.00; Muntinlupa CPS- ₱102,272.00; Makati CPS-₱86,360.00; Las Piñas CPS-₱70,720.00; Pateros MPS-₱54,400.00; at Parañaque CPS-₱34,000.00.

Naninindigan ang SPD sa pangako nitong maigting na anti-illegal drugs campaign na pursigidong aksyon ng PNP para sa pagpapanatili ng peace and order at protektahan ang mga komunidad mula sa mga panganib o peligrong hatid ng mga ipinagbabawal na droga.

Inihayag ni District Director BGen Randy Y. Arceo na ang isang linggong accomplishments ay nagbigay-diin sa disiplina at operasyunal na kahandaan ng mga tauhan ng SPD sa pagtupad ng kanilang mandato kontra ilegal na droga.

Binigyang-diin pa ni BGen Arceo na tuluy-tuloy ang SPD sa maigting at nakatuon nitong police operations upang buwagin ang drug networks at maiwasan ang paglaganap ng ilegal na droga sa mga komunidad. (Bhelle Gamboa)