Malnutrisyon sa mga paaralan kasama sa paglalaanan ng DepEd budget

Palalawakin ng Department of Education ang School-Based Feeding Program nito ngayong taong 2026.

Tatargetin ng programa ang humigit-kumulang 4.6 milyong mag-aaral sa buong bansa para matugunan ang malnutrisyon at matiyak na malusog ang mga bata sa pagpasok nila paaralan.

Ayon sa DepEd, 25.7 billion pesos ang ilalaan sa pinalawak na Feed Program sa mga paaralan at kabilang sa sasakupin ng programa ang humigit-kumulang 1.52 milyong kindergarten learners at 1.79 milyong Grade 1 learners sa loob ng 200 feeding days.

Makikinabang din sa parehong bilang ng feeding days ang karagdagang 1.18 milyong mag-aaral sa Grades 2 hanggang 6 na itinuturing na wasted o severely wasted.

Ayon kay Education Secretary Sonny Angara, sasakupin na rin ng programa ang humigit-kumulang 140,000 nutritionally at-risk, disadvantaged, o vulnerable learners na lagpas Grade 6 gayundin ang mga pregnant learners na naka-enroll sa public schools. (DDC)