MMDA GM Torre III pangungunahan ang Agency Operations at magsisilbing tagapagsalita
Mainit ang pagtanggap ng Metropolitan Manila Development Authority (MMDA) kay Undersecretary Nicolas Torre III bilang bagong General Manager ng ahensiya sa panfakong isasakatuparab ang kanyang malawak na karanasan mula sa pulisya patungong bagong yugto ng kanyang karera sa pagseserbisyo sa gobyerno.
Sa gitna ng seremonya ng pagtataas ng watawat ng bansa ngayong araw, inihayag ni Torre sa mga kawani ang determinasyon niyang sumali sa ahensiya at nagpasalamat din kay Pangulong Ferdinand Bongbong Marcos sa tiwalang ibinigay sa kanya upang maitalaga sa MMDA.
“I am excited to join the ranks of the people who keep the metropolis moving and keep the metropolis where we all live, dream, work and do business in, as my new career in government service. I do hope that I will make the contribution expected of me in MMDA,” sabi ni Torre, isang dating Philippine National Police chief at presidential appointee.
Hinikayat naman ni MMDA Chairman Atty. Don Artes ang mga tauhan ng ahensiya na suportahan at alalayan si Torre.
Sinabi ni Artes na si Torre ang mangunguna sa lahat ng araw-araw na operasyon ng MMDA sa ilalim ng kanyang superbisyon at gabay.Pangungunahan din nito ang mga inisyatibong may kinalaman sa kaligtasan ng publiko, flood control, traffic management at solid waste management sa Metro Manila.
“Torre will engage in discussions with Department of Public Works and Highways Secretary Vince Dizon to ensure that MMDA, through him, will be actively involved in all flood control projects in Metro Manila from initial planning stage to completion,” wika ni Artes.
Ang bagong general manager ay personal na pamununuan ang traffic management at enforcement efforts maging ang clearing operations sa major roads atwaterways.
Nangako rin si Torre na sisiguruhin niya ang implementasyon ng tatlong Es ng traffic management: engineering, education, at enforcement, sa kooperasyon ng stakeholders, lumikha ng mas ligtas at mas maayos na daloy ng trapiko sa pangunahing kalsada sa ilalim ng hurisdiksyon ng MMDA.
Sa pamamagitan ng malawak na karanasan ni Torre sa pulisya, naatasan siyang palakasin ang disiplina sa mga sa mga traffic enforcers at pangunahan ang yunit na may kinalaman sa pagsasagawa ng internal investigation para sa misconduct at iregularidad sa pagtupad ng kanilang mga tungkuin.
Magsisilbing tagapagsalita rin si Torre ng MMDA at hahawak ng mga panayam.
Bukod dito, si Torre rin ang mangunguna sa inspeksiyon ng ginagawang rehabilitasyon ng bahagi ng EDSA kasama ang DPWH at ibang concerned agencies.
Sa kasagsagan ng EDSA rehabilitation, ang travel speed ay nananatiling mababa kung saan isa sa dalawang linya ang naokupan para sa 24-hour EDSA rehabilitation works, na resulta ng pagbagal ng galaw ng mga sasakyan.
“Since the innermost lanes of portions of EDSA have been repaired, travel along EDSA Busway has been observed faster and smoother,” pahayag ni Artes.
Ang pagkukumpuni o repairs ng iba pang bahagi ng EDSA ay itutuloy sa ganap na alas- 10:00 ng gabi hanggang 4:00 ng madaling araw ngayong araw ng Lunes. (Bhelle Gamboa)
