4 patay, 7 sugatan sa malagim na aksidente sa Nasugbu, Batangas
Apat ang nasawi habang sugatan ang pitong iba pa sa karambola ng mga sasakyan sa kahabaan ng Nasugbu Highway sa Brgy. Bayabasan, Nasugbu Batangas.
Nangyari ang aksidente Biyernes (Jan. 29) ng umaga.
Sa mga larawang kuha ng netizen na si Owen Rogador, nagkayupi-yupi ang mga sasakyang sangkot sa aksidente.
Isang truck na may kargang mga bakal ang kabilang sa karambola.
Tumilapon ang mga bakal na sakay nito ay tumusok pa sa helera ng mga bahay sa lugar.
Makikita din sa mga larawan ang isang tindahan na halos magiba na at wasak ang pader.
Patuloy pa ang isinasagawang imbestigasyon sa insidente. (D. Cargullo)
