Flexible work arrangements sisimulan sa DENR sa Jan. 5

Ipatutupad na sa lahat ng tanggapan ng Department of Environment and Natural Resources sa buong bansa ang Flexible Work Arrangements.

Layunin ntong mas pahusayin ang operasyon ng DENR, isulong ang environmental sustainability, at gawing mas accessible ang mga serbisyo ng gobyerno sa pamamagitan ng pagbawas ng mahabang biyahe, pag-iwas sa traffic pagtitipid sa enerhiya, at mas malawak na paggamit ng digital services.

Sa ilalim ng polisiya mula January 5, 2026, mananatiling bukas ang mga tanggapan ng DENR at mayroong on-site frontline services mula alas 7:00 ng umaga hanggang alas 7:00 ng gabi – Lunes hanggang Huwebes.

Sa ilalim ng pilot program, ang mga tauhan ng DENR personnel ay magkakaroon ng flexible work arrangements depende sa nature ng kanilang trabaho.

Patuloy pa ding masusunod ang required na 40 working hours per week.

Ang pilot implementation ay tatagal hanggang March 27, 2026 at sakop ang lahat ng DENR offices sa bansa kabilang ang Central Office, regional at provincial offices, gayundin ang mga line bureau gaya ng Environmental Management Bureau at Mines and Geosciences Bureau. (DDC)