Pamunuan ng Robinsons Malls itinangging magsasara na ang lahat ng kanilang mall sa buong bansa

Fake news ang mga kumakalat na balitang magsasara na ang lahat ng malls ng Robinsons sa buong bansa.

Sa pahayag ng Robinsons Malls itinanggi nito ang mga naglalabasang ulat na isasara na ang lahat ng kanilang mall.

Tinawag ng Robinsons na “fake” at “malicious” ang mga kumakalat na balita.

Ayon sa pahayag, walang isasara sa 52 mga mall ng Robinsons sa buong bansa.

Hinimok din ang publiko na huwag i-click o buksan ang mga link tungkol sa pekeng balita dahil maaring hindi ito ligtas.

“Robinsons Malls is NOT closing down any of our 52 malls nationwide. This article is FAKE and MALICIOUS. Please do not click any links on the mentioned website as it may be unsafe,” ayon sa pahayag ng pamunuan ng Mall.

Nakikipag-ugnayan na din ang Robinsons sa mga otoridad para maipa-take down ang artikulo. (D. Cargullo)