Minimum wage sa CAR nadagdagan ng P35

Epektibo na ang dagdag-sahod sa mga manggagawa sa Coirdillera Administrative Region.

Ayon sa Regional Tripartite Wages and Productivity Board – CAR, sa ilalim ng inaprubahang Wage Order may pagtaas na 35 pesos sa daily rate ng mga minimum wage earners sa rehiyon.

Dahil dito, magiging 505 pesos na ang daily minimum wage rate sa buong CAR.

Samantala, tumaas din ng 600 pesos ang buwanang sweldo ng mga kasambahay o domestic workers.

Ayon sa Wage Board, magiging 6,600 pesos ang monthly minimum wage rate sa lahat ng probinsya sa CAR. (DDC)