Order of Lakandula iginawad ng Malakanyang kay dating DMW Sec. Toots Ople

Ginawaran ng posthumous award ni Pangulong Ferdinand Marcos Jr. ang yumaong si dating Department of Migrant Workers Secretary Maria Susana ‘Toots’ Ople.

Ipinagkaloob ng pangulo ang Order of Lakandula na may Rank of Grand Cross o Bayani sa seremonya sa Kalayaan Hall sa Malakanyang.

Sa pahayag ng Palasyo si Ople ay champion ng labor movement sa bansa at ginugol ang kaniyang buhay sa pagtitiyak ng kapakanan ng mga manggagawa lalo na ang mga migrante.

Si Ople ang nagtatag ng Blas F. Ople Policy Center and Training Institute na ipinangalan sa yumao niyang ama na si dating Senador at dating Labor Secretary Blas Ople.

Ang Ople Center ay tumutulong sa mga overseas Filipino workers at kanilang pamilya.

Pumanaw si Toots Ople noong August 2023. (DDC)