Bagong MTRCB board members nanumpa na sa pwesto

Nanumpa sa pwesto ang dalawang bagong talaga na board members ng Movie and Television Review and Classification Board.

Pinangunahan ni MTRCB Chairperson at CEO Lala Sotto ang oath-taking ceremony sa mga bagong board members na sina Ma. Cecilia Diaz Villarosa at Maria Rosario Garcia-Fabregas.

Ang dalawa ay itinalaga ni Pangulong Ferdinand Marcos, Jr., kapalit nina Cherry Anne Espion at Jan Marini Cadungog.

Kapwa professional journalists sina Villarosa at Fabregas na parehong may dekada nang karanasan sa mass media and communications. (DDC)