DENR nagsampa na ng kasong kriminal laban sa Monterrazas sa Cebu

Naghain na ng kasong kriminal ang Department of Environment and Natural Resources laban sa kumpanya na nasa likod ng Monterrazas Residential Project sa Cebu City.

Ayon kay DENR Assistant Secretary for Legal Affairs and Enforcement Atty. Norlito Eneran, naghain sila ng kasong paglabag sa Section 77 ng Presidential Decree No. 705 o Revised Forestry Code.

Sakaling mapatunayang guilty sa nasabing kaso, may katapat itong parusa na automatic na kanselasyon ng permit o license.

Noong nakaraang buwan, tinukoy ng DENR na nakitaan nila ng tatlong paglabag ang konstruksyon ng Monterrazas.

Kabilang dito ang pagputol sa daan-daang mga puno na mula sa mahigit pitongdaang puno noong 2022 ay labingisa na lamang ang natira. (DDC)